Pilates er æfingakerfi sem reynir á hug og líkama, þróað af þýska líkamsræktarfrumkvöðlinum Joseph H. Pilates sem kerfið er nefnt eftir. Pilates kallaði kerfið sjálfur Contrology. 

 

Þetta kerfi er ólíkt öðrum styrktarþjálfunarkerfum sem þú gætir kannast við. Það  byggir upp langa, granna vöðva ólíkt kerfum sem byggja upp stóra vöðva en endanlegur ávinningur er ekki svo ólíkur. Þrátt fyrir að pilates byggi ekki upp stóra vöðva getur það byggt upp góðan grunn fyrir íþrótta- og afreksfólk og jafnvel minnkað líkur á meiðslum. 

 

Þrátt fyrir að pilateskerfið sé tæplega 100 ára gamalt bætast iðkendur við í stórum stíl. Ein helsta ástæða fyrir þessum vinsældum er að hægt er að aðlaga kerfið að líkama hvers og eins, burt séð frá aldri, kyni, heilsu, og getu.